Administrazioa

Oharra: Instalazioa egin den bitartean, “root” izeneko supererabiltzaile bat (admin) sortu da. Talde guztietarako atzipena dauka. Hala ere, zuk beste admin bat sortzen baduzu, eta talde bat esleitzen badiozu, haren ekintzak talde zehatz horren barruan mugaturik egongo dira.
  • Erabiltzailearen administrazioa:
    Hemen, erabiltzaile bat gehitu, aldatu edo kendu egin dezakezu.
    Sortu edo aldatu: hurrengo eremuak bete behar dira: ‘deitura/izengoitia’, ‘pasahitza’ eta ’inizialak’ (3 eta 6 letra bitartean); eremu guztiak aukeran daude (hutsetik sortzen badira, gero editatu egin daitezke).
    "Atzipen eskubidea" eremuak erabiltzailearentzat diren pribilegioak eta egutegia ikusgarria izatea kudeatzen ditu:
    • Partaidea erabiltzaile bat izan daiteke. Erabiltzaileak beste partaide edo talde baten gertaerak ikus ditzake, EZ ordea gertaeren testua. “Nagusiak” testua ikus dezake (oharra, berriz, ez), eta proiektuetarako estatistikak ere sor ditzake. Admnistratzaileak gertaeren testua ikus dezake, eta ‘admin.php’ fitxategiarekin lan egiten du.
    • Bigarren parametroak pertsona jakin baten egutegia beste pertsona batzuek ikus dezaketen edo erabilera pertsonalerako den adierazten du (administratzaileak lehenetsi dezake horiek konpartitzea).
      Adibidez: 'uy' adierazpenak hurrengoa esan nahi du: erabiltzaile arrunta, egutegia besteentzat ere ikusgarria. 'cn' adierazpenak hurrengoa esan nahi du: nagusiak ez du nahi beste batzuek haren egutegiak ikusterik.
    ‘Hizkuntza’ eremuak erabiltzaile horrentzako hizkuntza definitzen du. Eremua hutsik baldin badago, sistemak hizkuntza bilatuko du nabigatzailean. Horrek huts egiten badu, ingelesa izango da lehenetsitako hizkuntza.

    Ezabatzea: Hurrengo informazio parametroak ezabatuko dira: erabiltzailearen parametroa, haren profilak, agenda eta “Egiteko” adierazten duen zerrenda. Era berean, foroen barruko hariak, liburu markak eta horri dagozkion fitxategiak ere ezabatu egingo dira. Oraindik aktibaturik dauden baina erabili ez diren “botoak” ere ezabatu egingo dira. Erabiltzailearen izena oraindik proiekturen batean agertzen bada, ohartarazpen bat bidaliko da. ‘Ezabatu’ funtzioa ezin da berrezarri.

  • RTS Kategorien administrazioa:
    Eskaeren segimendurako sisteman kategoriak sartzean, sartzen ari diren eskaerak era automatikoan talde edo erabiltzaileei esleitzea dago. Horretarako, RTS kategoria sortu eta aldatu behar da, eta, hasiera batean, kategoria horren ardura izango duen taldeko erabiltzailea hautatu. Ondorioz, eskaera zehatz guztiak pertsona edo talde horri esleituko zaizkio.

  • Liburu marken administrazioa:
    Erabiltzaileek ‘aukerak’ izenekotik administratzen dituzten eragiketa arrunt guztiez gain, administratzaileak liburu markak ezaba ditzake (hautaketa bat baino gehiago, ‘ctrl’ teklaren bidez eta sagua klikatuz). Beste funtzio bat, oso ona, baliorik gabeko loturak frogatzea da. Lotura jakin bat funtzionatzen ari ez bada, hurrengo pantailaratzean laukiak erabili ahal izango dira gaitu gabeko loturak hautatzeko. Dena dela, kontuz ibili eta lotura partikular baterako zerbitzaria ez badabil, eta zuk zuzena dela uste baduzu, ez ezabatu, aurreko ekintza ezin baita berrezarri.
  • Foroa:
    Aukera horren bitartez, zahartutako “hariak” ezaba daitezke. Hautatutako epearen arabera, gehieneko epea 60 egunekoa izaten da (seguruena, ekintza hori burutu aurretik, kopia bat egin nahi izango duzu). Oharra: artikuluak soilik aztertuko dira antzinatasuna egiaztatzeko, eta ez hari osoa!


  • Berriketa:
    Berriketaren transkripzioak gordetzea: lotura horretan klikatzean, berriketaren transkripzioa disko gogorrean gordetzeko aukera dago, kopia bat edukitzeko, edo segimendua egin ahal izateko. Fitxategian elkarrizketaren azken hariak agertuko dira, hau da, chat.php fitxategian ezarritako hari kopuru handiena (lehenetsitako balorea: 2000)
    Berriketatik zaborra ezabatzea: Azken erabiltzaileak saioari bukaera ematea ahaztu badu, badaude, oraindik, aktibatutako fitxategia eta berriketaren fitxategia. Berriketa erabiltzen duzun hurrengo aldian berriro idatzi egingo dira, baina orduan horiek ezabatu nahi baduzu... botoi horren bitartez ezaba dezakezu zabor hori. Mesedez, egin ezazu berriketa funtzionatzen ari ez denean bakarrik!




itzuli